Bu xəbər Angela Merkelin Almaniya-Rusiya qaz kəməri layihəsinin taleyini yenidən düşünməli olacağını bildirdiyi ərəfədə yayılıb
Zəhərlənmiş rus müxalifət lideri Aleksey Navalnının vəziyyəti yaxşılaşıb və həkimlər onu reanimasiyadan çıxarıb, – AP xəbər verir.
Rusiya Prezidenti Vladimir Putinin sərt tənqidçisi Navalnı 20 avqustda Rusiyada özünü pis hiss edərək komaya düşüb və xilas edilmək üçün bir neçə gün sonra Almaniyaya göndərilib. Alman kimyəvi silah mütəxəssisləri 44 yaşlı siyasətçinin Sovet dövründən qalma sinir dərmanı ilə zəhərləndiyini bildirib və bu səbəbdən Almaniya hökuməti Moskvanı hadisəni araşdırmağa çağırıb.
“Xəstə tibbi baxımdan komadan çıxarılıb”, – Berlin “Şarite” (“Charite”) xəstəxanasından açıqlama verilib: “O, sözlü stimullara cavab verir. Ağır zəhərlənmənin uzunmüddətli təsirlərini qiymətləndirmək hələ ki tezdir”.
Navalnı müalicə üçün avqustun 22-də Almaniyaya gətirilib və o vaxtdan etibarən Berlin xəstəxanasında komada olub.
Navalnının tədricən yaxşılaşması xəbəri Almaniya kansleri Angela Merkelin mübahisəli Almaniya-Rusiya qaz kəməri layihəsinin taleyini yenidən düşünməli olacağını bildirdiyi ərəfədə yayılıb. Bu, Moskvanın işin araşdırılmasının siyasi əngəllənməsinə dair Berlinin artan məyusluğunun bir göstəricisi olaraq qeyd edilir.
Alman rəsmiləri keçən həftə bildirib ki, Navalnı “heç şübhəsiz” kimyəvi maddədən zəhərlənib.
Kremli Navalnının zəhərlənməsində iştirak etdiyini rədd edir və Almaniyanı tələb etdiyi zəhərlənmə barədə dəlil təqdim etməməkdə günahlandırır.
Almaniyanın Xarici işlər naziri Hayko Maas bazar günü deyib ki, Rusiyanın reaksiyası Almaniyanın Ukrayna qazını Baltik dənizi altından ölkəyə gətirən “Şimal Axını 2” boru kəməri ilə bağlı planlarını dəyişdirə bilər.
“Kansler də istisnanın səhv olduğuna inanır”,- Merkelin sözcüsü Ştefan Zaybert deyib.
Daha əvvəl Merkel Navalnı məsələsinin ABŞ-ın kəskin şəkildə qarşı çıxdığı boru kəməri layihəsindən “ayrılması”nda israr etmişdi. Avqust ayında ABŞ-dan olan üç respublikaçı senator Merkelin qanunverici dairəsində yerləşən Baltik dənizi limanının operatorunu “Şimal Axını 2”nin inşasındakı roluna görə sanksiyalarla təhdid edib.
Zaybert Moskvanın bir neçə gün ərzində məsələyə cavab verəcəyini gözləməyin doğru olmadığını vurğulasa da, Berlinin tezliklə cavab istədiyini qeyd edib.
Alman Xarici İşlər Nazirliyinin sözcüsü Kristofer Burger (Christofer Burger) bütün dəlillərin və izlərin Sibirdə axtarılmalı olduğunu bildirib.
Almaniyanın müxalif Yaşıllar Partiyasının həmsədri Robert Habek (Habeck) hökuməti daha güclü bir mövqe tutmağa və boru kəməri layihəsini “basdırmağa” çağırıb.
Layihə “Avropanı bölür, iqtisadi baxımdan mənasız və həddən artıq böyükdür və təhlükəsizlik siyasəti baxımından səhvdir”,- deyə o bildirib: “Bunu tamamlamaq Rusiyanın istədiyini edə bilməsi deməkdir. Bu, siqnal verilməməlidir”.
Rusiyanın Vyanadakı beynəlxalq təşkilatlardakı elçisi Mixail Ulyanov boru kəmərinin Navalnı işi ilə əlaqələndirməyin doğru olmadığını deyib.
“Mən konspirologiya nəzəriyyələrini sevmirəm, amma Navalni ilə baş verənlər “Şimal Axını 2”-yə qarşı çıxanların işinə çox yarayacaq”.
