Aleksey Navalnı

Mənbə: İnstagram

Başlıq: Aleksey Navalnı

Navalnı “Instagram” səhifəsində yaxşılaşdığını sübut edən foto paylaşıb

“Salam, bu, mənəm, Navalnı. Hamınız üçün darıxıram”

Rusiyanın müxalif siyasətçisi Aleksey Navalnı çərşənbə axşamı Berlin xəstəxanasından - yatağında oturaraq ailəsinin əhatəsində olan fotoşəkil paylaşıb.

“Reuters” xəbər verir ki, o, keçən ay Sibirdə zəhərləndikdən sonra müstəqil nəfəs ala bildiyini deyib.

Fotoşəkil Navalnının keçən həftə komadan çıxdıqdan sonra yaxşılaşmasının ən güclü dəlili hesab edilir. Siyasətçinin mətbuat katibi onun tezliklə Rusiyaya dönməyi planlaşdırdığını təsdiqləyib.

“Salam, bu, mənəm, Navalnı. Hamınız üçün darıxıram”,- siyasətçi “Instagram” izləyicilərinə fotoşəkilin altında yazıb: “Hələ bir şey edə bilmirəm, amma dünən bütün günü müstəqil nəfəs ala bilmişəm. Özüm tək başıma”.

Prezident Vladimir Putinin aparıcı rəqibi olan Navalnı 20 avqust tarixində təşviqat kampanyası zamanı özünü pis hiss edib. Bir neçə gün sonra siyasətçi xüsusi təyyarə ilə Berlinə aparılıb. Almaniya üç ölkədə aparılan laboratoriya testlərindən sonra onun “Noviçok” sinir maddəsi ilə zəhərləndiyini təyin edib və bu səbəbdən Qərb hökumətləri Rusiyadan izahat tələb edir.

Moskva ittihamları əsassız adlandırıb. Kremlin sözcüsü Dmitri Peskov çərşənbə axşamı Moskvanın Navalnı ilə baş verənləri açıqlamağa hazır olduğunu, lakin iş ilə bağlı bəzi məlumatlara ehtiyac duyduğunu vurğulayıb.

O, Fransa və İsveç laboratoriyalarına Navalnının tibbi nümunələri verildiyi halda niyə Moskvaya bu imkan verilmədiyini başa düşmədiyini deyib.

Məsələ 2014-cü ildə Moskvanın Krımı Ukraynadan ilhaq etməsindən və 2018-ci ildə İngiltərədə eyni “Noviçok” sinir maddəsi ilə keçmiş rus agentini zəhərlənməyə cəhddən sonra Rusiya ilə Qərb arasındakı münasibətləri daha da gərginləşdirib.

Almaniya siyasətçiləri hadisədən sonra kansler Angela Merkeli Rusiyadan Almaniyaya qaz gətirən və təxminən başa çatan “Şimal axını 2” boru kəməri ilə bağlı danışıqları dayandırmağa çağırıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/5by6ra

Ən çox baxılan