Natəvan Mürvətova ev dustağı edilib

MTN-in Əməliyyat-Texniki İdarəsinin sabiq rəisindən heç yerə getməmək haqqında iltizam alınıb

Source:

MTN-in Əməliyyat-Texniki İdarəsinin sabiq rəisindən heç yerə getməmək haqqında iltizam alınıb

Azərbaycan Milli Təhlükəsizlik Nazirliyinin (MTN) barəsində başqa yerə getməmək haqqında iltizam qətimkan tədbiri seçilmiş sabiq əməkdaşının adı məlum olub. “Report”un əldə etdiyi məlumata görə, bu, MTN-in Əməliyyat-Texniki İdarəsinin sabiq rəisi, general-mayor Natəvan Mirvətovadır.

Dünən Baş Prokurorluğun yaydığı məlumatda MTN-in 21 sabiq əməkdaşının Cinayət Məcəlləsinin müvafiq maddələri ilə təqsirləndirilən şəxs qismində cəlb edildiyini bildirilib. 19 şəxs barəsində həbs qətimkan tədbiri, 1 nəfər barəsində başqa yerə getməmək haqqında iltizam qətimkan tədbiri seçilib, istintaqdan yayınan 1 şəxs barəsində isə həbs qətimkan tədbiri seçilməklə axtarış elan edilib.

Milli Təhlükəsizlik Nazirliyinin əməkdaşlarının törətdiyi cinayət əməlləri nəticəsində hüquqları pozulmuş 57 nəfər zərər çəkmiş şəxs qismində tanınıb. Onlara dəymiş ziyanın ümumi məbləğinin on milyonlarla manat olduğu müəyyən edilib.

Hazırda ayrı-ayrı vətəndaşlardan yeni müraciətlər daxil olmaqdadır. Müraciətlərdə göstərilən bütün xüsusatların tam, hərtərəfli və obyektiv araşdırılması təmin edilərək, zərərçəkmiş şəxslərin pozulmuş hüquqlarının bərpası istiqamətində zəruri tədbirlər görülür.

Cinayət işi üzrə istintaq-əməliyyat tədbirləri davam etdirilir.

Ana səhifəXəbərlərNatəvan Mürvətova ev dustağı edilib