63 yaşlı Seyidəli Ağayevin evindən çoxlu sayda avtomat patronu, odlu silah və qadağan edilmiş dini ədəbiyyat tapıldığı iddia edilir
Bakının Nardaran qəsəbəsində daha bir nəfər saxlanılıb. “Report”un xəbərinə görə, Nardaran Ağsaqqallar Şurasının üzvü, 63 yaşlı Seyidəli Ağayev polis əməkdaşları tərəfindən tutulub.
Onun yaşadığı evdən çoxlu sayda avtomat patronu, odlu silah və qadağan edilmiş dini ədəbiyyat tapıldığı iddia edilir.
Faktla bağlı Cinayət Məcəlləsinin 228-ci (Qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddəsilə cinayət işi başlanılıb, S.Ağayev barəsində həbs qətimkan tədbiri seçilib.
