“Soruşdular ki, Orxan Alıyevin atasıdır?,- dedim,- bəli. Dedi oğlunuz dünyasını dəyişib. Dedim siz nə danışırsız mənim oğlum sag-salamat on gün bundan əvvəl məzuniyyətdən getmişdi. Dedi ağsaqqal, cənazəni hara gətirək? Demək olar ki, yeddi saatdan sonra bizə məlumat verilib”.
1965-ci il təvəllüdlü Alıyev Şirazi, oğlu 19 yaşlı Orxan Alıyevin Naftalandakı N saylı hərbi hissədə müəmmalı ölümündən danışır. Onun sözlərinə görə, Orxan 2013-cü ilin 4 yanvar tarixində hərbi xidmətə çağrılıb və nə hərbi xidmətdə olduğu müddətində, nə də ondan əvvəl sağlamlığında heç bir problem olmayıb.
