”Hakimiyyət Müsavat Partiyasının fəaliyyətindən narahatdır”
Müsavat başqanı Arif Hacılı dekabrın 15-də ictimaiyyət arasında “bandotdel” kimi tanınan DIN-in Baş Mütəşəkkil Cinayətkarlığa Qarşı Mübarizə İdarəsinə çağırılıb.
Başqan bildirib ki, onu bu idarəyə zaman-zaman çağırırlar, amma bu dəfəki dəvətin səbəbini demədilər:
“Sadəcə, söylədilər ki, hansısa mövzuda mənimlə söhbət etmək istəyirlər. Dekabrın 14-də gəlməyimi istədilər, amma jurnalist Əfqan Muxtarlının məhkəməsi ilə əlaqədar Bakıda olmadığımdan sabaha saxladılar”.
Arif Hacılı güman edir ki, bu çağırışı partiyanın siyasi fəaliyyəti ilə əlaqəlidir:
“Hakimiyyət Müsavat Partiyasının fəaliyyətindən narahatlığını bu şəkildə biruzə verir. Normal ölkələrdə partiya sədrinin belə bir idarəyə çağırılması şok effekti yaradardı, amma Azərbaycanda tez-tez olduğundan adi hala çevrilib. Yoxsa əsas müxalifət partiyasının başqanı DIN-in Baş Mütəşəkkil Cinayətkarlığa Qarşı Mübarizə İdarəsinə çağrılmazdı”.
