Mirəziz Əsgərov barəsindəki hökmdən apelyasiya şikayəti verib
Ləğv edilmiş Milli Təhlükəsizlik Nazirliyinin (MTN) Baş Əks-Kəşfiyyat İdarəsinin sabiq şöbə rəisi, polkovnik Mirəziz Əsgərov barəsində olan hökmdən apelyasiya şikayəti verib.
“Report” yazır ki, apelyasiya şikayəti avqustun 18-də Bakı Hərbi Məhkəməsinə göndərilib.
M.Əsgərov barəsində bəraət hökmünün çıxarılmasını istəyir.
İşə yaxın günlərdə Bakı Apelyasiya Məhkəməsində baxılacaq.
M.Əsgərov zərərçəkmişlərdən hədə-qorxu yolu ilə pul tələb etmək və digər ağır cinayətlərdə ittiham olunur.
O, Cinayət Məcəlləsinin 182.3.1, 182.3.2-ci (mütəşəkkil dəstə tərəfindən, külli miqdarda əmlak əldə etmək məqsədi ilə hədə-qorxu gəlmə), 311.3.1, 311.3.2, 311.3.3, 311.3.4-cü (qabaqcadan əlbir olan bir qrup şəxs və ya mütəşəkkil dəstə tərəfindən, təkrar, külli miqdarda, hədə-qorxu tətbiq olunmaqla rüşvət alma), 341.2.1 və 341.2.3-cü (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə) maddələri ilə ittiham edilib.
Bakı Hərbi Məhkəməsinin hökmü ilə 4 il azadlıqdan məhrum edilib.
Hökmə əsasən, zərərçəkmişin mülki iddiası rədd edilib. Təqsirləndirilən şəxsin üzərinə həbs qoyulmuş əmlakı və onun evindən götürülmüş pul M.Əsgərovun özünə qaytarılmalıdır.
