“İlham Əliyev və onun ailə üzvlərinə qarşı korrupsiya ittihamlarına aydınlıq gətirilməlidir”
Milli Şura ölkə rəhbərliyinin “Panama sənədəri” ilə bağlı açıqlama verməsini tələb edir. Qurumun Koordinasiya Mərkəzinin aprelin 15-də keçirilən toplantısında bildirilib ki, ölkə başçısı İlham Əliyevin və onun ailə üzvlərinə qarşı korrupsiya ittihamlarına aydınlıq gətirilməlidir.
Bu barədə azadlıq.info məlumat yayıb.
Toplantıda həmçinin döyüş şəraitində şəhid olan əsgərlərin statistikasının gizlədilməsinin yolverilməz olduğu bilirilib. Qeyd olunub ki, şəhidlərin xatirəsi əbədiləşdirilməli, onların ailələrinin mənzil şəraiti yaxşılaşdırılmalı, yaralılara kompensasiya verilməlidir.
İclasda hakimiyyət tərəfindən öyrədilmiş gənclərin AXCP sədri Əli Kərimlinin yaşadığı binanın qarşısında keçirdiyi aksiyalar pislənilib.
