"Məhəmməd Əliyev keşikçi qülləsində intihar edib"
"Ədliyyə Nazirliyi Penitensiar Xidmətinin əsgərinin intihar etməsi barədə yayılan məlumat doğrudur".
Bu barədə Penitensiar xidmətin şöbə rəisi Mehman Sadıqov Meydan TV-yə deyib.
O bildirib ki, hadisə mayın 31-də gecə saat 2 radələrində baş verib: "Mühafizə Alayının atıcı bölüyünün atıcısı, əsgər Məhəmməd Əliyev keşikçi qülləsində xidmət apararkən ona təhkim olunmuş AK-74 markalı avtomat silahından atəş açaraq intihar edib".
Mehman Sadıqov deyib ki, intiharın səbəbləri araşdırılır: "Bakı Hərbi Prokurorluğunun tərəfindən araşdırma aparılır".
O, intihar edən Məhəmməd Əliyevin 2003-cü il təvəllüdlü olduğunu bildirib.
