Partlayış nəticəsində müəssisənin yaxınlığındakı bir neçə mənzil və ticarət obyektinə ziyan dəyib
Bakının Binəqədi rayonunun Xocasən qəsəbəsində güclü partlayış olub. Hadisə şahidlərinin Trend-ə verdiyi məlumata görə, partlayış iyulun 5-də gecə saat 03 radələrində qəsəbə ərazisində fəaliyyət göstərən “Lider Cola” şirkətinin istehsal fabrikində baş verib.
Partlayış nəticəsində müəssisənin yaxınlığındakı bir neçə mənzil və ticarət obyektinə ziyan dəyib.
Fövqəladə Hallar Nazirliyinin mətbuat xidmətinin məlumatına görə, hadisə müəssisənin sexində sərinləşdirici içkilərə vurulan karbon qazının toplandığı çənin birinin partlaması nəticəsində baş verib. Partlayış nəticəsində yanğın hadisəsi olmayıb və xəsarət alan yoxdur.
Hadisənin baş vermə səbəbləri ilə bağlı araşdırmalar aparılır.
