Hakimin ofisində axtarış aparılıb
Ermənistan Ali Məhkəmə Şurası (SJC) sabiq prezident Robert Köçəryanın məhkəməsinə sədrlik edən və may ayında onu girov müqabilində sərbəst buraxan hakimin istintaqına icazə verib, – Azadlıq Radiosu xəbər verir.
Hakim David Qriqoryanla bağlı Baş Prokurorluğun müvafiq müraciətinin təmin edilməsi üçün onun səlahiyyətləri də dayandırılıb. Qərar iyulun 27-də yayımlanıb.
SJC üzvü Hayk Hovannisian AzadlıqRadiosunun Erməni xidmətinə deyib ki, prokurorlar üç iş üzrə cinayət işinin araşdırılması üçün icazə istəyib, lakin yalnız işlərdən ikisinin araşdırılmasına icazə verilib.
SJC cinayət işlərinin təfərrüatlarını açıqlamayıb.
Baş Prokurorluq daha əvvəl bildirib ki, hakimə qarşı atılan addımlar Köçəryanın məhkəməsi ilə əlaqəli deyil.
Xüsusi İstintaq Xidməti tərəfindən Qriqoryanın ofisində axtarışlar aparılıb.
Mayın 18-də Qriqoryan Köçəryanın məhkəməsinin mübahisəli şəkildə davam etməsinə baxmayaraq, onun həbsdən azad edilməsini təmin edib.
Daha sonra o, eks-prezidentin məhkəməsini dayandırıb. Bu zaman hakim Qriqoryan irəli sürülən çevriliş ittihamının qanuniliyini şübhə altına alaraq işi Konstitusiya Məhkəməsinə göndərib. Prokurorlar siyasi müttəfiqlər və Baş nazir Nikol Paşinyanın tərəfdarları tərəfindən qınanan hər iki qərara etiraz edib.
Ermənistanın Apelyasiya Məhkəməsi 25 iyunda hər iki qərarı rədd edib. Nəticədə Köçəryan yenidən həbs edilib. Bundan əvvəl, Qriqoryan ofisində aparılan axtarışların Köçəryana qarşı qaldırılan cinayət işi ilə əlaqəli olduğunu qeyd edib. Köçəryanın tərəfdarları və mövcud hökumətin digər tənqidçiləri hüquq-mühafizə orqanlarının ədliyyə orqanlarına təzyiq etdiklərini və bununla ədliyyənin müstəqilliyinə xələl gətirdiklərini deyiblər.
