O, məhkəmə vasitəsilə ABŞ-dan 50 milyard tələb edəcək
Beynəlxalq Şahmat Federasiyasının (FİDE) prezidenti Kirsan İlyumjinov postunu tərk edib.
Bu barədə məlumatı echo.msk.ru saytı yayıb.
Bildirilir ki, bu qərar Yunanıstanda keçirilən FİDE-nin növbədənkənar iclasında qəbul olunub. İlyumjinov istefasını ABŞ-ın Rusiyaya qarşı tətbiq etdiyi sanksiyalar nəticəsində adının “qara siyahı”da olması ilə əlaqələndirib. Hazırda FİDE-nin prezidenti vəzifəsini Yunanıstanın Şahmat Federasiyasının rəhbəri icra edir.
Kirsan İlyumjinov ötən gün Rusiyanın RBK kanalına bildirib ki, adının siyahıya salınmasına görə ABŞ-dan məhkəmə vasitəsilə 50 milyard tələb edəcək.
O, deyib ki, adının ABŞ Maliyyə Nazirliyinin siyahısına daxil edilməsi ya hazırlanmış təxribatdır, ya da amerikalıların səhvidir.
K.İlyumjinov 1995-ci ildən FİDE-yə rəhbərlik edirdi.
