Zabil Müqabiloğlu serroz xəstəliyindən əziyyət çəkirdi
Jurnalist Zabil Müqabiloğlu dünyasını dəyişib. Bu barədə onun dostları “Facebook”-da yazıb. Onlar jurnalistin serroz xəstəliyindən əziyyət çəkdiyini, dünən axşam vəziyyətinin ağırlaşdığını bildirirlər:
“Hazırda onun nəşi 1 saylı Şəhər Kliniki Xəstəxanasındadır (Semaşko). Müvafiq prosedurlardan sonra ailəsinə veriləcək”.
Zabil Müqabiloğlu 1977-ci il noyabrın 17-də Zəngilan rayonunun Babaylı kəndində anadan olub. Bakı Asiya Universitetinin jurnalistika fakültəsini bitirib. 1996-1998-ci illərdə hərbi xidmətdə olub. 1998-ci ildən mətbuatdadır. “525-ci qəzet”, “Avropa”, “Tərcüman” qəzetlərində, “Yeni Müsavat” Media Qrupunda çalışıb.
Son iş yeri təsisçisi olduğu gunxeber.com saytı olub.