“Təşkilat uğurlu dəstəyinin davam etdirilməsini əngəlləyən bu hərəkətlərdən narahatlığını bildirir”
Sentyabrın 5-də Baş Prokurorluq əməkdaşları bəyan etmədən İREX-in Bakı ofisinə gəlib. Onlar özləri ilə Yasamal Məhkəməsinin orderini gətirib və bütün kompüterləri, digər avadanlığı və eləcə də sənədləri aparıblar.
“İREX artıq məhkəməyə müraciət edib. Qurum ümid edir ki, USAİD-in maliyyələşdirdiyi, 2014-cu il sentyabrın 30-da bitməli olan hazırkı layihəsini başa çatdıra bilməsi üçün avadanlıq və sənədlər mümkün qədər tez qaytarılacaq” – deyə İREX-in Vaşinqton ofisinin bəyanatında bildirilir.
İREX-in Azərbaycandakı bank hesabı bir sıra yerli və beynəlxalq QHT-lərə açılan “cinayət işi” ilə əlaqədar olaraq 2014-cü il iyulun 26-da dondurulub: “İREX bu təhqiqatın ədalətli və sürətli tamamlanmasını gözləyir”.
“İREX Azərbaycanın qonağı kimi 15 il ərzində təhsil, media və vətəndaş cəmiyyətinə göstərdiyi uğurlu dəstəyinin davam etdirilməsini əngəlləyən bu hərəkətlərdən narahatlığını bildirir”
