Vəkil: “Bu cəza qanunsuzdur”
Martın 6-da 12 saylı Cəzaçəkmə Müəssisəsində saxlanılan İslam Partiyasının sədri Mövsüm Səmədov 5 günlük “kars”a salınıb.
Müəssisə rəhbərliyi bu əmrin səbəbini onun rejim qaydalarını pozması və barakda namaz qılması ilə əlaqələndirib.
Meydan TV-yə məlumatı onun vəkili Yalçın İmanov verib. Bildirib ki, müəssisə rəhbərliyi rejim qaydalarından danışanda məhbusun antisanitariya yaratdığını iddia edir. Ancaq bu inandırıcı deyil:
“M.Səmədov 2016-cı ilin noyabrın 28-də 15 sutka “kars”a salınmışdı. Ondan sonra 8 sutka “kars” cəzası, ardınca 3 töhmət və 1 dəfə xəbərdarlıq alıb”.
Vəkil bunları qanunsuz hesab edir.
M.Səmədov 2011-ci il yanvarın 20-də Cinayət Məcəlləsinin 214.2.1, 214.2.3, 228.3 və 278 maddələri ilə ittiham olunaraq həbs edilib.
O, həmin ilin 7 oktyabrında 12 il azadlıqdan məhrum olunub.
M.Səmədov ona qarşı ittihamları siyasi sifariş sayaraq rədd edir.
