Mayın 24-də səhər saatlarında “Zerkalo” qəzetinin həbsdə olan icmalçısı Rauf Mirqədirovun atası Həbibulla Mirqədirov vəfat edib.
Meydan TV-yə məlumat verən vəkil Fuad Ağayev bildirib ki, mayın 23-də Respublika Prokurorluğunun Həbibulla Mirqədirovun mənzilində apardığı axtarışdan sonra onun vəziyyəti pisləşib. Səhər saatlarında isə H.Mirqədirov vəfat edib.
Mayın 24-də saat 14-də ictimaiyyətin nümayəndələri Respublika Prokurorluğunun qarşısına toplaşıb baş prokuror Zakir Qaralova jurnalisti atasının dəfnində iştirak üçün müraciət edəcəklər.
Həbibulla Miqədirovun 84 yaşı vardı.
Rauf Mirqədirov aprelin 19-da Türkiyədən deportasiya olunub və Bakıda həbs edilib. Jurnalistə qarşı casusluq ittihamı ilə cinayət işi açılıb.
