Özbəkistan məhkəməsi mərhum prezident İslam Kərimovun böyük qızı olan Gülnarə Kərimovanı ev həbsi şərtlərini pozduğunu öyrəndikdən sonra həbs edib, – Azadlıq Radiosunun Özbək Xidməti xəbər verir ki, bu barədə ölkənin Baş prokuroru deyib.
Daşkənd məhkəməsinin 5 mart tarixli qərarı Kərimova üçün dramatik olub. O, ölkədə gedən korrupsiya istintaqı ilə ittiham olunana qədər prezidentliyə varis idi.
Baş Prokurorluqdan edilən şərhdə qeyd edilir ki, Kərimova 22 noyabrda ev həbsi şərtlərini pozaraq qızı İmanla yaşadığı evdən çıxmağa cəhd edib. O, 2018-ci il iyun ayından etibarən qızı İmanın iqamətgahında yaşamağa məhkum edilib. Prokuror həmçinin qeyd edir ki, Kərimova bəlli olmayan səbəblərə görə internetdən istifadə edib.
Bəyanatda deyilir ki, 5 martda Daşkəndin Yaşnabad Rayon Məhkəməsi Daxili İşlər Nazirliyinin arayışını təsdiqləyib ki, Karimova beş illik ev həbsinin qalan hissəsini çəkmək üçün həbsxanaya göndərilsin.
Son illərdə Kərimovanın müdafiəçisi kimi xidmət edən isveçrəli hüquqşünas Gregoire Mangeat “Twitter” hesabında qeyd edib ki, 46 yaşlı Kərimova "Daşkənddə saxlanıldığı mənzildən zorla çıxarılıb" və "bilinməyən yerə aparılıb".
Özbəkistanın səlahiyyətliləri Kərimovaya "öz müraciətlərini geri çəkməyə, İsveçrədəki bütün hüquqlarını və mülklərini tərk etməyə məcbur etmək üçün psixoloji və fiziki təzyiq göstərməyə davam edir", – deyə Mangeat qeyd edib. O, baş verənləri "tamamilə özbaşına yanaşma üsulları" adlandırıb.
Kərimovanın qızı İman martın 5-də “İnstagram” hesabında anasının evdən zorla çıxarılmasını əks etdirən bir neçə fotoşəkil paylaşıb.
O, “İnstagram” postunda dövlət nümayəndələrinin axşam saat 7-də evə gəldiyini söyləyib. Onlar Kərimovanı təhdid edərək evdən çıxardıblar.
İllər öncə atası hələ sağ olanda, Kərimova moda nümayişləri ilə tanınan kübar cəmiyyət nümayəndəsi olub və ABŞ diplomatik qaynaqlarına əsasən Özbəkistanın və Mərkəzi Asiyanın bir çox yerlərində xoş qarşılanmayıb.
O, həmçinin xarici şirkətləri cəlb edən rüşvətxorluq və qəsbkarlıqda ittiham olunub.
İlk xəbərlər 2013-cü ildə İsveç mediasında çıxıb və qeyd edilib ki, Kərimova öz mövqeyindən istifadə edərək beynəlxalq telekommunikasiya şirkətlərini Özbəkistana investisiya etməyə cəlb edib. Mərkəzi Asiyanın ən sıx əhalisi olaraq, Özbəkistan mobil xidmətlər üçün sürətlə inkişaf edən bazar sayılırdı.
Xəbərlər nəticədə İsveç, Amerika Birləşmiş Ştatları, İsveçrə, Hollandiya və digər ölkələrdəki telekommunikasiya şirkətlərinə yönəlmiş cinayət araşdırmalarına səbəb olub.
Kərimova 2014-cü ildən ictimaiyyət arasında deyil. Özbək prokurorları sonradan onun ev həbsinə məruz qaldığını, korrupsiya və digər ittihamlarla bağlı şübhəli bilinərək araşdırıldığını təsdiqləyib.
