Fuad Əhmədli

Mənbə: meydan tv

Başlıq: Fuad Əhmədli

Fuad Əhmədli xəstəxanaya yerləşdirilib

Atası: “Oğlum ağciyər və böyrək ağrılarından əziyyət çəkir”

4 il azadlıqdan məhrum edilən AXCP fəalı Fuad Əhmədli Penitensiar Xidmətin xəstəxanasına köçürülüb.

Məlumatı Meydan TV-yə məhbusun atası Zəfər Əhmədli verib.

Zəfər Əhmədli oktyabrın 4-də oğlu ilə görüşüb.

Atası Meydan TV-yə oğlunun ağciyərindən və böyrəyindən əziyyət çəkdiyini deyib:

“Oğlum həbsdən əvvəl əməliyyat olunub, bu xəstəliklə qapalı yerdə qala bilməz, Ali Məhkəmədə proses zamanı 1 ay Kürdəxanıda qaldı, ordan qayıdandan sonra vəziyyəti pisləşmişdi, nəfəs ala bilmirdi. İkinci problem böyrək ağrılarıdır. Görüş zamanı rəisə dedim ki, heç olmasa müayinədən keçirsinlər, vəziyyəti yaxşı deyil. Oktyabrın 5-də həbsxanadan zəng etdilər ki, artıq xəstəxanaya aparıblar”.

Zəfər Əhmədli Fuad Əhmədlinin cəza müddətinin bitməsinə 10 ay qaldığını söyləyib.

Fuad Əhmədli 2016-cı il avqustun 18-də saxlanılıb. Dövlət Təhlükəsizlik Xidməti və Baş Prokurorluğun birgə yaydığı məlumata görə, Fuad Əhmədli “Azərfon” MMC-də çalışdığı müddətdə abonentlərin şəxsi məlumatlarını üçüncü şəxsə ötürüb.

Bildirilib ki, onun mənzilində axtarış zamanı din xadimi Fətullah Gülənin çıxışlarının olduğu kitablar, CD-disklər tapılıb. Fuad Əhmədli Cinayət Məcəlləsinin 302-ci (əməliyyat-axtarış fəaliyyəti üzrə qanunvericiliyi pozma) və 308-ci (vəzifə səlahiyyətlərindən sui-istifadə) maddələri ilə ittiham edilib. O, 4 il azadlıqdan məhrum olunub.

F. Əhmədli ittihamları qəbul etmir və saxta adlandırır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/xlbh3e

Ən çox baxılan