Polşa millisi mundialda mübarizəni dayandırıb
Qətərdə təşkil olunan futbol üzrə dünya çempionatında dekabrın 4-də 1/8 final mərhələsinin daha iki oyunu keçirilib.
Günün ilk matçında Fransa millisi Polşa ilə üz-üzə gəlib. Mundialın favoritlərindən sayılan Fransa yığması Robert Levandovskinin lideri olduğu polşalıları 3:1 hesabı ilə məğlub edərək, 1/4 finala vəsiqə qazanıb.
1/8 final mərhələsinin daha bir oyunu İngiltərə yığması ilə Seneqal arasında baş tutub. İngilislər 3:0 hesablı qələbə sayəsində adlarını növbəti mərhələyə yazdırıblar.
DÇ-2022-nin 1/4 final mərhələsində İngiltərə millisi Fransa ilə görüşəcək.
Daha əvvəl Niderland və Argentina milli komandaları 1/4 finala yüksəlmişdi.
DÇ-2022, 1/8 final
5 dekabr
19:00 Yaponiya – Xorvatiya (“Əl Janub” stadionu)
23:00 Braziliya – Cənubi Koreya (“Stadion 974”)
