Ermənistanın Baş naziri Nikol Paşinyan keşişin onu sünnətdə ittiham etməsindən sonra erməni kilsəsinin başçısı II Qareginə cinsi orqanını göstərə biləcəyini təklif edib.
“OC Media” yazır ki, keşiş Zareh Aşuryan bazar ertəsi “Facebook” səhifəsində Paşinyanı sünnət olunmaqda günahlandırıb, onu İuda ilə müqayisə edib və onun xristian olmadığını bildirib.
Keşiş Zareh Aşuryan bazar ertəsi Facebook-da paylaşdığı yazıda Paşinyanı sünnət olunmaqda ittiham edərək onu Yəhuda İskaryotla müqayisə edib və onun xristian olmadığına işarə edib.
“İnanıram ki, Müqəddəs Apostol Kilsəmiz dərhal öz sıralarını millətə xəyanət edən, babalarının xatirəsini təhqir edən, xaç suyuna salınma əhdini pozan və Müqəddəs Xaçın möhürünü sünnət nişanəsi ilə əvəz edən saxta ‘imanlılardan’ təmizləməlidir”, – deyə Aşuryan yazıb.
O, əlavə edərək bildirib ki, əgər Paşinyanın mənəvi atası Yəhuda deyilsə, onun adını açıqlasın. Aşuryan Paşinyanı “İcevanın Yəhudası” adlandırıb – bu onun doğulduğu yerə eyhamdır – və iddia edib ki, Paşinyan Yəhuda İskaryotu belə geridə qoymaq istəyir.
Çərşənbə axşamı sosial şəbəkədəki paylaşımında Paşinyan yenidən II Qareginə doğum adı ilə müraciət edərək bildirib ki, o, Ktrij Nersisyanı və sözçüsü [keşiş Aşuryanı] qəbul etməyə və sünnət olunması ilə bağlı iddiaların əksini sübut etməyə hazırdır.
Paşinyan II Qareginə sualını da təkrarlayıb – “Və nəhayət, o, subaylıq andını pozub-pozmaması sualına cavab versin. Onun uşağı var, ya yox?”.
Bu, son həftələrdə Ermənistan hökuməti ilə kilsə arasında ən son ittiham mübadiləsi olub.
Paşinyanla kilsə arasında gərginlik Paşinyan mayın sonunda kilsələrin “anbarlara” çevrildiyini və din xadimlərinin subaylıq andlarını pozduqlarını iddia etməsindən sonra ən yüksək həddə çatıb. Paşinyan əlavə olaraq II Qaregini uşaq sahibi olmaqda ittiham edib.
Paşinyan bu məsələni qaldırdığını iddia edərək, Erməni Apostol Kilsəsinin davamçısı kimi “mənəvi təhlükəsizliyə təhdid” gördüyünü, Baş nazir kimi isə “milli təhlükəsizliyə təhdid” gördüyünü iddia edib.
Paşinyanın ittihamlarından sonra hökumətə bağlı mediada II Qareginin qızının fotosu və adı yayılıb.
Kilsə çevrilişi?
Çərşənbə axşamı, hakim “Vətəndaş Müqaviləsi” partiyasına yaxınlığı ilə tanınan Civic.am saytı “müxalifətin çevriliş planı” adlandırılan 7 səhifəlik sənəd dərc edib.
Nəşr edilən məzmuna görə, çevrilişdə istifadə olunacaq “insan resursları” sırasına kilsə, eləcə də bir müddət əvvəl həbs edilmiş rus-erməni maqnatı Samvel Karapetyan, maqnat Qaqik Tsarukyan, eks-prezidentlər Robert Köçəryan və Serj Sarkisyan, Qarabağ erməniləri və başqaları daxil edilib.
Karapetyan iyunun əvvəlində Ermənistanda hakimiyyəti qəsb etməyə çağırışda ittiham olunaraq, hökumətlə kilsə arasında davam edən gərginlik fonunda kilsəni dəstəkləmək üçün söylədiyi sözlərdən sonra istintaq təcridxanasına salınıb.
Çərşənbə axşamı Karapetyan Armavir həbsxanasından Milli Təhlükəsizlik Xidmətinin təcridxanasına köçürülüb.
“Civic.am” saytının dərc etdiyi sənəddə Paşinyanın və onun yaxın adamlarının kilsədən çıxarılması ətrafında müzakirələr də yer alıb.
İddialara görə, bütün proseslərin kulminasiya nöqtəsi sentyabrın 21-i Ermənistanın Müstəqillik Günü olacaq.
OC Media müstəqil şəkildə sənədin həqiqiliyini yoxlaya bilməyib.
Bu yazı ingilis dilindən tərcümə edilmişdir. Yazının əslini “OC Media”dan oxuya bilərsiniz.
