Bakı Şəhəri Statistika İdarəsi 2014-cu ildə Bakıda törədilən cinayətlərin statistikasını açıqlayıb
Bakı şəhərinin rayonları üzrə ən çox cinayət hadisəsi Binəqədi rayonunda qeydə alınıb. “Report” Bakı Şəhəri Statistika İdarəsinə istinadən xəbər verir ki, 2014-cü ildə Binəqədi rayonunda 1 504 cinayət qeydə alınıb. 2013-cü ildə bu rəqəm 1 414, 2000-ci ildə 516 olub.
2014-cü ildə Bakı şəhəri üzrə cəmi 12 288 cinayət halı qeydə alınıb. Bu rəqəm 2013-cü ildə 10 984, 2000-ci ildə 5 539 olub.
Xətai rayonunda 2014-cü ildə 1 344 cinayət qeydə alınıb. 2000-ci ildə bu göstərici 679 olub.
Ən az cinayət Səbail rayonunda qeydə alınıb. Belə ki, 2014-cü ildə bu rayonda 700, 2000-ci ildə 531 cinayət halı olub.
Suraxanı rayonunda qeydə alınan cinayətlərin sayı isə sürətlə artıb. 2000-ci ildə rayonda 336 cinayət qeydə alındığı halda, 2014-cü ildə bu rəqəm 849 olub.
Sabunçu rayonunda 2000-ci ildə 454, 2014-cü ildə 1148, Nizami rayonunda 2000-ci ildə 457, 2014-cü ildə isə 1 202, Nərimanovda 2000-ci ildə 554, 2014-cü ildə 1 080, Nəsimi rayonunda 2000-ci ildə 731, 2014-cü ildə 1 483 cinayət qeydə alınıb. Yasamalda bu göstərici son 10 ildə 681-dən 1 325-ə yüksəlib.
