Emir Kusturitsa

Mənbə: Foto: Meydan tv

Başlıq: Emir Kusturitsa

Emir Kusturitsa Bakıda konsert verir

Qrup rok-n-roll, Balkan pank-roku, qaraçı motivləri, türk marşları və Asiya melodiyalarını sintez edir

Noyabrın 29-da Bakıda rejissor, musiqiçi Emir Kusturitsanın konserti keçiriləcək.

İfaçı tamaşaçıların qarşısına “The No Smoking Orchestra” qrupu ilə çıxacaq.

Emir Kusturitsa 1999-cu ildə “The No Smoking Orchestra” qrupunu yaradıb və onun daimi üzvüdür. Kusturitsa qrupun tərkibində gitaraçı kimi çıxış edir.

Qrup rok-n-roll, Balkan pank-roku, qaraçı motivləri, türk marşları və Asiya melodiyalarını sintez edir.

Heydər Əliyev Mərkəzində keçiriləcək konsertin biletləri 20-150 manat arasında dəyişir.

Emir Kusturitsa karyerası boyunca müxtəlif sahələrdə populyarlıq qazanıb.

O, əvvəlcə kinorejissor və ssenari müəllifi kimi məşhurlaşıb, daha sonra isə özünü musiqiçi kimi təsdiqləyib. Çoxşaxəli istedadı və fəaliyyəti Emir Kusturitsanı Balkan mədəniyyətinin simvoluna çevirib.

O, Sarayevo şəhərində dünyaya gəlib. Lap erkən yaşlarından incəsənətə meyl göstərib. Tez-tez dərslərdən yayınaraq kino zallarının qaranlığına çəkilir, sevimli filmlərinə təkrar-təkrar baxırmış. Məhz Sarayevodakı kinoteatrların birində o, nəhayət, anlayır ki, həyatını kino dünyası ilə bağlamaq istəyir.

Kusturitsa “Arizona arzusu”, “Yeraltı”, “Qara pişik, ağ pişik” filmləri ilə məşhurdur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ol0ruf

Ən çox baxılan