DTX

Mənbə: https://www.dtx.gov.az/

Başlıq: DTX

DTX: Baş Klinik Hospitalın bölmə rəisi və həkimi rüşvətalma ittihamı ilə saxlanılıb

Məhkəmə Vüsal Eyvazov və Hüseyn Ağayev barəsində həbs qətimkan tədbiri seçib

Silahlı Qüvvələrin Baş Klinik Hospitalının bölmə rəisi Vüsal Eyvazovun və həkim Hüseyn Ağayevin çoxsaylı hərbi qulluqçulardan rüşvət almaqda şübhəli bilinərək saxlanıldığı bildirilir.

Bu barədə iyulun 27-də Dövlət Təhlükəsizliyi Xidməti (DTX) xəbər yayıb.

"Faktla bağlı başlanılan cinayət işi üzrə Silahlı Qüvvələrin Baş Klinik Hospitalının bölmə rəisi Vüsal Eyvazovun xidməti vəzifələrinin icrası zamanı Hospitalın digər əməkdaşı Hüseyn Ağayevin vasitəsilə çoxsaylı hərbi qulluqçuların hər birindən onlara dövlət tərəfindən birdəfəlik sosial sığorta müavinətinin ödənilməsi üçün Vətən müharibəsində aldıqları xəsarət dərəcələrinin təyin edilməsi müqabilində pul vəsaitlərini rüşvət qismində istəyərək almasına əsaslı şübhələr müəyyən edilib", - DTX-nin məlumatında bildirilir.

Silahlı Qüvvələrin Baş Klinik Hospitalı

Silahlı Qüvvələrin Baş Klinik Hospitalı

Mənbə: https://e-tibb.az/

Məlumatda qeyd olunur ki, saxlanılan şəxslərlə bağlı məhkəmənin qərarı ilə həbs qətimkan tədbiri seçilib: "Keçirilmiş kompleks əməliyyat-istintaq tədbirləri nəticəsində Vüsal Eyvazov və Hüseyn Ağayev cinayət başında yaxalanıb. Vüsal Eyvazov Cinayət Məcəlləsinin 311.3.2 (vəzifəli şəxs tərəfindən təkrar rüşvət alma), Hüseyn Ağayev 32.5, 311.3.2 (təkrar rüşvət almada iştirakçılıq) və digər maddələri ilə təqsirləndirilən şəxs qismində məsuliyyətə cəlb edilərək barələrində məhkəmənin qərarı ilə həbs qətimkan tədbiri seçilib".

Hazırda cinayət işi üzrə araşdırmaların davam etdirildiyi deyilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/03o5qq

Ən çox baxılan