Avro isə 0,82 faiz bahalaşıb
Bu gün dekabrın 9-u ilə müqayisədə Azərbaycanda 1 ABŞ dollarının məzənnəsi zəifləyib.
“APA-Economics”in məlumatına görə, Azərbaycan Mərkəzi Bankının (AMB) dekabrın 10-a olan rəsmi məzənnələr bülleteninə nəzər salanda məlum olur ki, ölkəmizdə dolların rəsmi məzənnəsi dekabrın 9-u ilə müqayisədə 0,0004 manat və ya 0,04 faiz azalaraq 1,0492 manat olub. Beləliklə, dolların məzənnəsi cari ilin noyabrın 4-dən bəri ən aşağı həddə enib. Həmin gün dolların manata qarşı məzənnəsi 1,0496 manat olub.
Bivalyuta səbətinə daxil olan avronun məzənnəsinə gəlincə, Avrozonanın vahid valyutası 0,0094 manat və ya 0,82 faiz artaraq 1,1547 manata yüksəlib. Dolların əksinə olaraq avronun məzənnəsi cari ilin noyabrın 4-dən bəri ən yuxarı həddə qalxıb. Həmin gün avronun manata qarşı məzənnəsi 1,1492 manat olub.
Manata nəzərən Rusiya rublunun məzənnəsi 0,0001 manat və ya 0,66% azalaraq 0,0151 manat səviyyəsində qərarlaşıb.
