Aqil Abbas və Sahibə Qafarova

Mənbə: Meydan TV

Başlıq: Aqil Abbas və Sahibə Qafarova

Deputat Səhiyyə Nazirliyini tənqid etdi, spiker etirazını bildirdi

Aqil Abbas: Ümumiyyətlə, Azərbaycanda Səhiyyə Nazirliyi yoxdur”

Deputat Aqil Abbas Milli Məclisdə büdcə dəyişikliyinin müzakirəsi zamanı Səhiyyə Nazirliyini sərt tənqid edib. O hətta “Ümumiyyətlə, Azərbaycanda Səhiyyə Nazirliyi yoxdur” deyə fikir səsləndirib.

O fikrini belə əsaslandırıb:

“Vaxtilə əlilliyi VTEK-lər (Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidmətinin Tibbi-sosial ekspert komissiyaları – red) verirdi. Səhiyyə Nazirliyi öz işçilərinə inanmadı (komissiyanın tərkibindəki həkimlərə - red), əlilliyin təyinatını verdilər Səhiyyə Nazirliyinə.

Guya, Səhiyyə Nazirliyi süddən çıxmış ağ qaşıqdı. Bu nazirlik öz işini görə bilmir. Ümumiyyətlə, Azərbaycanda Səhiyyə Nazirliyi yoxdur”.

İclasda iştirak edən Əmək və əhalinin sosial müdafiəsi nazirinin müavini Anar Əliyev isə bildirib ki, əlilliyin təyin olunması ilə bağlı yeni meyarlar hazırlanır.

O qeyd edib ki, I qrup əlilliyi olan şəxslərlə bağlı nazirlikdə xüsusi komissiya yaradılıb:

“Əlilliyin təyin olunması ilə bağlı hazırda səhiyyə orqanlarına müraciət olunmalıdır. Ancaq bizə müraciət olunan zaman xüsusi komissiyada I qrup əlilliyi olan şəxsləri əyani komissiyadan keçirə bilirik”.

Milli Məclisin Sədri Sahibə Qafarova isə Aqil Abbasın fikrinə etiraz edib:

“Bu gün pandemiya dövründə Səhiyyə Nazirliyi və həkimlər əlindən gələni edir. “Azərbayacanda Səhiyyə Nazirliyinin demək olar ki, yoxdur” fikri yanlış fikirdir”, – S.Qafarova qeyd edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/do0j77

Ən çox baxılan