Mənbə: meydan tv

Daha 7 nəfər də koronavirusa yoluxub

“Xəstələrdən 3 nəfərinin vəziyyəti orta-ağır qiymətləndirilir”

Azərbaycanda daha 7 nəfərin koronavirusa (COVID-19) yoluxduğu bildirilir.

Məlumatı Azərbaycan Respublikası Nazirlər Kabinetinin yanında Operativ Qərargah yayıb.

Məlumatda deyilir ki, hazırda Azərbaycanda xüsusi rejimli xəstəxanalara yerləşdirilən və müşahidə altında olan 61 nəfər aktiv koronavirus xəstəsi var. Onlar həkim nəzarəti altındadır:

“Həmin xəstələrdən 3 nəfərinin vəziyyəti orta-ağır qiymətləndirilir. Digərləri isə özlərini normal hiss edirlər, səhhətləri stabildir. Pasiyentlərin müalicəsi ilə bağlı zəruri tədbirlər davam etdirilir”.

Martın 22-də isə Azərbaycanda 12 koronavirusa yoluxma faktı qeydə alınmışdı.

Azərbaycanda ümumi yoluxanların sayı isə 72 nəfərdir. Onlardan 10 nəfər sağalıb, bir nəfər isə ölüb. Hazırda 61 nəfər xüsusi rejimli müəssisələrdə həkim nəzarəti altında saxlanılır. Onların müalicəsi ilə bağlı müvafiq tədbirlər davam etdirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/x4k0qf

Ən çox baxılan