“Bülbülün heykəli dağıdılıb, muzeydəki hər şey qarət edilib”
Fransada yaşayan fotoqraf Rza Diqqəti xalq artisti, opera müğənnisi Bülbülün (Murtuza Məşədi Rza oğlu Məmmədov) Şuşadakı ev-muzeyindən fotolar yayımlayıb.
Şəkillərdə xanəndənin evinin önündəki büstün dağıdıldığı, otaqların uçurulduğu eksponatların isə qarət olunduğu görünür.
Rza Diqqəti şəkilləri “twitter”
Твиттер
hesabında paylaşaraq, bildirib ki, Şuşa səfəri zamanı Bülbülün ev-muzeyini tapıb, gördükləri onu heyrətləndirib.
“Bülbülün heykəli dağıdılıb, muzeydəki hər şey qarət edilib. Niyə bunu digər mədəniyyətlərə edirsiniz?”-, deyə fotoqraf qeyd edib.
Bülbülün Şuşadakı evi iki otaq və eyvandan ibarət olub. Xanəndə həmin evdə doğulub, uşaqlıq illərini keçirib. Muzeydə Bülbülün uşaqlıq fotoları, şəxsi əşyaları, qavalı, 1925-1926-cı illərə aid konsert afişaları, ifaçılıq fəaliyyyətini əsk etdirən bir sıra sənəd və materiallar bir çox eksponatlar saxlanılırdı. Şuşanın işğalı zamanı muzeyin 10 minə yaxın eksponatı məhv edilib.
