Stanislav Şuşkeviç SSRİ-nin ləğvinə imza atmışdı
Mayın 4-də 1991-1994-cü illərdə Belarus Ali Sovetinin sədri olmuş Stanislav Şuşkeviç 88 yaşında Minskdə vəfat edib.
Məlumatı Belarusun “Onliner” internet portalı siyasətçinin həyat yoldaşına istinadən yayıb.
S.Şuşkeviç 1991-ci ilin dekabrında Belovejskaya Puşçada Rusiya və Ukrayna prezidentləri Boris Yeltsin (1931-2007) və Leonid Kravçuk ilə MDB-nin yaradılması və SSRİ-nin mövcudluğuna son qoyulması barədə qərara imza atıb.
Stanislav Şuşkeviç 1934-cü il dekabrın 15-də Minsk şəhərində anadan olub.
Belarus Dövlət Universitetini bitirəndən sonra B.İ. adına Fizika İnstitutunun aspiranturasında təhsil alıb.
Fizika-riyaziyyat elmləri doktoru elmi dərəcəsi alıb.
O, 1960-1961-ci illərdə Minsk Radio Zavodunun İxtisaslaşdırılmış Konstruktor Bürosunda baş mühəndis işləyib.
S.Stanislavoviç 1966-1969-cu illərdə Belarus Dövlət İnformatika və Radioelektronika Universitetinin elmi işlər üzrə prorektoru olub.
1989-cu ildə S.Şuşkeviç SSRİ xalq deputatı seçilib.
O, 1991-ci ilə qədər Regionlararası Deputatlar Qrupunun üzvü olub.
1990-1995-ci illərdə Belarus Respublikası Ali Sovetinin deputatı olub.
1999-2000-ci illərdə ABŞ-ın Vaşinqton şəhərində Vudro Vilson Araşdırma Mərkəzində çalışıb.
