Qadın aldığı xəsarətdən ölüb
“Koroğlu” metro stansiyası qarşısında dekabrın 13-də günün ikinci yarısında 173 saylı marşrut avtobusu qadın piyadanı vuraraq öldürüb.
Hadisə
H.Əliyev prospektində baş verib.
Bildirilir ki, Bəhruz Şükürov idarə etdiyi “Daewoo” markalı xətt avtobusu ilə paytaxt sakini Hürü Əliyevanı vurub.
Hürü Əliyeva 3 saylı şəhər klinik xəstəxanasında vəfat edib.
“Koroğlu” metro stansiyasında xadimə işləyən Hürü Əliyeva 1960-cı ildə anadan olub.
Faktla bağlı Cinayət Məcəlləsinin 263.2-ci maddəsi ilə cinayət işi başlanılıb.
Bu Bakıda baş verən ilk belə hadisə deyil.
Oxşar hadisə
H.Əliyev prospektində dekabrın 6-da da baş vermişdi. Samir Dadaşov idarə etdiyi “Mitsubishi” markalı avtomobillə təmizlik işi aparan, 53 yaşlı Almagül Muradovanı vurmuşdu.
