Arxangel Mixail kilsəsi nəzdində, Pravoslav Dini Mədəniyyət Mərkəzində, habelə Müqəddəs Ana kilsəsində kurslar təşkil ediləcək
Bakı Arxiyepiskopu Aleksandr rusların azərbaycan dilini öyrənməsini zəruri hesab edir. “Ölkədə azərbaycan dilini bilmədiyinə görə öz qabiliyyətlərini həyata keçirə bilməyən yaxşı mütəxəssislər çoxdur”, – deyə o, fevralın 18-də “Bilik” fondunda çıxış edərkən bildirib.
Arxiyepiskopu Aleksandrın sözlərinə görə, rusdilli əhalinin azərbaycan dilini öyrənməsi mövzusu Prezident Administrasiyası və Multikulturalizm Mərkəzi səviyyəsində müzakirə olunub.
“Biz belə bir qənaətə gəldik ki, Azərbaycanın rus milliyyətli vətəndaşlarının ölkəmizdə olan mədəniyyət təmayülünə tamamilə qarışa bilməsi üçün əlimizdən gələni etməliyik”, – deyə o bildirib.
Bu məqsədlə RPK nəzdində azərbaycan dilinin – danışıq və işgüzar nitqin tədrisi kursları açılır. Kurslar Arxangel Mixail kilsəsi nəzdində, Pravoslav Dini Mədəniyyət Mərkəzində, habelə Müqəddəs Ana kilsəsində təşkil ediləcək.
Arxiyepiskop həmçinin qeyd edib ki, Sumqayıt, Gəncə, Xaçmaz və Azərbaycanın digər şəkillərində belə kurslar keçirilməsi mümkünlüyünü qeyd edib.
Məşğələlər həftədə iki dəfə respublikanın müxtəlif millətləri təmsil edən rusdilli vətəndaşları üçün keçiriləcək. Hazırda kurslara 60-dan çox insan yazılıb.
“Bilik” Fondu müəllimlərin əmək haqqının ödənilməsi, kursların maddi-texniki baza – dərs vəsaitləri, metodik materiallarla təmin edilməsini öz üzərinə götürür (Turan İA).
