16.05.
"Ermənistanın Azərbaycanın mülki əhalisinə qarşı hücumları nəticəsində sentyabrın 27-dən bu günədək 91 nəfər ölüb, 400 nəfər yalaralanıb".
Azərbaycanın Baş prokuroru Kamran Əliyev oktyabrın 30-da keçirdiyi brifinqdə belə deyib.
Baş prokuror bildirib ki, yararsız vəziyyətə düşmüş mülki obyektlərin sayı 428, çoxmənzilli yaşayış binalarının sayı 92, yaşayış evlərinin sayı isə 2 442-dir.
Kamran Əliyev Gəncə şəhərində mülki əhaliyə qarşı törədilmiş cinayət əməllərinə görə Araik Arutyunyan, David Babayan, Cəlal Arutyunyan və Arman Babacanyanın beynəlxalq axtarışa verildiyini deyib:
“Onlar barəsində Cinayət Məcəlləsinin 214-2, 281.1 və 318.1-ci maddələri ilə cinayət işi başlanıb”.
***
12.28.
Azərbaycan Müdafiə Nazirliyinin məlumatına görə, hazırda Ermənistan silahlı qüvvələrinin bölmələri Gorus rayonu tərəfdən Qubadlı rayonunun ərazisini artilleriya atəşinə tutur.
Nazirlik deyir ki, Azərbaycanın bölmələri adekvat cavab tədbirləri görüləcək.
Oktyabrın 30-da saat 07:35-dən başlayaraq Ermənistan silahlı qüvvələri Goranboy, Tərtər, Ağdam və Ağcabədi rayonlarını artilleriya atəşinə tutur.
***
Azərbaycan Müdafiə Nazirliyinin mətbuat xidmətinin məlumatında belə deyilir.
Nazirlik Azərbaycan ordusunun adekvat tədbirlər gördüyünü bildirib.
Eyni zamanda, döyüş əməliyyatlarının əsasən cəbhənin Ağdərə, Xocavənd və Qubadlı istiqamətlərində davam etdiyi qeyd olunub
