İngilis dili dərsi

Mənbə: Foto: arxiv

Başlıq: İngilis dili dərsi

“Azərbaycanda ingilis dilini bilmə səviyyəsi çox aşağıdır”

İngilis dilində ən yaxşı danışanlar Niderland vətəndaşlarıdır

Azərbaycanda ingilis dilini bilmə səviyyəsi çox aşağıdır (very low) və ölkə dünya reytinqində 85-ci yerdə qərarlaşıb.

“Report” saytının məlumatına görə, bu barədə “The English Proficiency Index”in (EPI) 2019-cu ilin yekunları üzrə hesabatında bildirilib.

Hesabat xarici dillərin tədrisi üzrə qlobal şirkət olan “Education First” (EF) ilə birlikdə hazırlanıb və 100 ölkəni əhatə edir. Reytinq siyahısı hər ölkədə kişilər və qadınlar arasında aparılan sorğuların nəticələrinə əsaslanır.

Sorğuda iştirak edən azərbaycanlı kişilərin 45,89%-nin, qadınların isə 46,29%-nin ingilis dilində danışdığı məlum olub.

Dünyada ingilis dilində ən yaxşı danışanlar Niderland vətəndaşlarıdır.

Siyahıda İsveç ikinci, Norveç isə üçüncü yeri tutub.

İngilis dilində çox yaxşı (very high) danışılan ölkələr arasında Danimarka, Sinqapur, Cənubi Afrika, Finlandiya, Avstriya, Lüksemburq və Almaniya var.

Qonşu ölkələrdən Rusiya ingilis dilini aşağı (low) səviyyədə bilən ölkələr kateqoriyasına düşərək 48-ci yeri tutub. Gürcüstan və İran da bu kateqoriyadadır və müvafiq olaraq 56-cı və 69-cu olublar.

Türkiyə də Azərbaycan kimi ingilis dilini çox aşağı (very low) səviyyədə bilən ölkələr sırasındadır və siyahıda 79-cu yerdə qərarlaşıb.

Ən aşağı göstəricilər Səudiyyə Ərəbistanı və Qırğızıstanda qeydə alınıb. Reytinqdə sonuncu yeri Liviya tutub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/494jcv

Ən çox baxılan