Mənbə: Meydan Tv

Azərbaycan filmləri “Netflix”də yayımlanacaq

Məqalə yeniləndi:  19 Mart 2021

Azərbaycan bununla bağlı Türkiyə ilə müzakirələr aparır

Azərbaycanın mədəniyyət naziri Anar Kərimov Ankarada Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altunla görüşüb.

Görüş zamanı “Qafqaz İslam Ordusu” və Qarabağ Zəfəri və Xocalı faciəsi haqqında müştərək film istehsalının detalları müzakirə olunub.

Anar Kərimov İkinci Qarabağ müharibəsi döyüşçüləri haqqında filmin çəkilişlərinə Türkiyənin kino şirkətlərinin iştirakını müsbət hal kimi qiymətləndirib.

Azərbaycan mədəniyyət naziri Türkiyə səfəri zamanı Həmçinin “Netflix Türkiye” platformasının idarə heyətinin sədri Mithat Özbek ilə görüşüb.

Azərbaycan filmlərinin “Netflix”də yayımı ilə bağlı müzakirələr də aparıb.

Hər iki ölkənin birgə çəkdikləri film və serialların gələcəkdə “Netflix”də nümayişi nəzərdə tutulub

Nazir Türkiyədə fəaliyyət göstərən kino istehsalı, distribusiya və media şirkətlərinin rəhbərləri ilə də görüş keçirib.

Görüşdə Türkiyənin əsas film istehsalı qurumlarının məsul şəxsləri də iştirak edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  19 Mart 2021
Bölmələr:  
qısa linklər:   http://mtv.re/iz9p48

Ən çox baxılan