Şənbə-bazar günlərində 49 nəfər günvurma ilə bağlı həkimə müraciət edib
Ölkə ərazisində anomal qızmar hava şəraiti iyulun 3-4-də davam edəcək.
Bu barədə
Ekologiya və Təbii Sərvətlər Nazirliyi
nin Milli Hidrometeorologiya Departamentinin rəsmi məlumatında deyilir.
Həmin günlər Bakıda və Abşeron yarımadasında havanın maksimal temperaturunun 40-43, Aran rayonlarında və Naxçıvan MR-da 40-44, bəzi yerlərdə 46, Qazax-Gəncə zonası, Böyük Qafqaz, Lənkəran-Astara rayonlarında 38-42, dağlıq rayonlarda isə 28-33 dərəcə isti təşkil edəcəyi gözlənilir.
“Turan” informasiya agentliyinin məlumatına əsasən, ötən şənbə-bazar günlərində ümulikdə 49 nəfər günvurma ilə bağlı həkimə müraciət edib.
Bakı Təcili Yardım Xidmətinin baş həkimi Rauf Nağıyev bildirib ki, onların arasında dörd nəfər uşaq var.
