“Əhali əsasən süni qiymət artımından narazılıq edirdi”
Vəziyyətlə maraqlanmaq üçün mandat aldığı Ağcabədi və Ağdam rayonlarına gedən deputat-yazıçı Aqil Abbas bölgədə vəziyyətin sabit olduğunu deyib.
“Mən bu gün səhərdən camaatın arasındayam. Əhali əsasən süni qiymət artımından narazılıq edirdi. Prezidentin müvafiq sərəncamından sonra artıq bu yöndə də tədbirlər görülür. Xalqla görüşəndə də hamısı deyir ki, biz prezidentimizin, dövlətimizin yanındayıq. Bunu Ağcabədidə də, Ağdam da deyirlər. Mən indi yoldayam. Ağdamın kəndinə gedirəm. İstəsəniz ora çatdığım vaxt xalqla da sizin ünsiyyətinizi təşkil edə bilərəm. Mən də bu gün bir ziyalı kimi, bir millət vəkili kimi, bu torpağın oğlu kimi gəlmişəm ki, onların problemlərini öyrənim” (reaksiya.az).
