Turbörn Yaqland: ”Məsələ Avropa Şurası Nazirlər Komitəsinin növbəti iclasına çıxarılacaq”
AŞPA-nın baş katibi Turbörn Yaqland Ali Məhkəmənin İlqar Məmmədovla bağlı qərarına münasibət bildirib. Baş katib bəyanatında deyir:
“Noyabrın 18-də Azərbaycan Ali Məhkəməsi Avropa İnsan Hüquqları Məhkəməsinin qərarının icrasının hüquqi öhdəliyini təmin etməyib. Bu qərar Azərbaycanın Avropa İnsan Hüquqları Konvensiyasına qarşı hörmətsizliyidir və bizim əməkdaşlığa kobud şəkildə xələl gətirir.
Bu iş AŞ üzvü olan 47 dövləti əhatə edir. Onlar Konvensiyanın icrasına kollektiv məsuliyyət daşıyırlar. Odur ki, məsələ Avropa Şurası Nazirlər Komitəsinin növbəti iclasına çıxarılacaq”. (“Turan”)
