Bir insanın və ya bir qrupun tələblərinin eşidilməsi üçün son çarə olaraq bədənini aclığa məhkum etməsi bir etiraz növüdür.
Tarixi qədim Romada hüquqşünas Nervaya dayanan hadisə Azərbaycanda bu gün də yayğındır. Əsasən siyasi motivlərlə həbs olunanlar suçlamalara etiraz olaraq qidadan imtina edib aclıq aksiyası keçirirlər.
39 gündür aclıq mübarizəsində olan AXCP üzvü Saleh Rüstəmov həbsinə etiraz üçün bu yolu seçib.
Sinxron Samirə Qasımlı
Ötən il həbsxana divarları içində 17 gün aclıq etdikdən sonra azadlığına qovuşan müxalifətçi Tofiq Yaqublu öz təcrübəsini bölüşür.
Həkim ekspert Adil Qeybulla aclıq zamanı orqanizmdə baş verən dəyişikliklərdən danışır.
Siyasi psixoloq Samirə Qasımlı aclıq qərarında israrlı olan Saleh Rüstəmov üçün artıq bütün yolların tıxandığını deyir. O hökumətlə Saleh Rüstəmov arasında olan psixoloji gərginlikdən söz açır.
Saleh Rüstəmov artıq 2 gündür sudan imtina edərək, quru aclığa keçib. Yaxınları və siyasi fəallar da Saleh Rüstəmova görə aclıq aksiyasına qoşulub. Həkim Adil Qeybulla onun komaya düşərsə sağlamlığında geri dönülməyəcək zərərlər qalacağını bildirib. Rəsmi qurumlar aclıq aksiyası ilə bağlı susur.
Aclıq mübarizələrinin fərqli nəticələri olur. Hökumət indi qərar verməlidir ,Azərbaycanda ən uzun aclıq edən Saleh Rüstəmov azadlığına qovuşacaq, ya ölüm aclığını davam etdirəcək?
