”Hücumun motivi hələ ki, bəlli deyil, istintaq gedir”
ABŞ-da bir qrup konqresmenə silahlı hücum edilib. Prezident Donald Trump bildirib ki, Virciniya ştatında bir qrup konqresmenə silahlı hücumla bağlı vəziyyəti diqqətlə izləyir.
Prezident bu insidenti “faciə”adlandırıb:
“Vitse-prezident Mayk Pens və mən insidentdən xəbərdarıq və vəziyyəti yaxından izləyirik. Bu faciədən dərin məyus olmuşuq”, – deyə Trump yazılı bəyanatında bildirir.
NBS News-in məlumastına görə, insident konqresmenlər Aleksandriya şəhərindəki beyspol meydanında məşq edərkən olub.
Nəticədə bir neçə nəfər xəsarət alıb.
Onlardan biri Respublikaçılar partiyasından olan konqresmen Stiv Skaliz-dir. Güllə onun ayağına dəyib.
Polisin açıqladığı məlumatda isə deyilir ki, artıq 1 nəfər şübhəli saxlanıb. O, azı 20 dəfə atəş aça bilib:
“Hücumun motivi hələ ki, bəlli deyil, istintaq gedir”, – deyə polisin məlumatında deyilir.
