Fərdi Yarəliyev

Mənbə: Meydan TV

Başlıq: Fərdi Yarəliyev

20 yaşlı əsgərin çayda boğulduğu deyilir

Məqalə yeniləndi:  9 İyul 2020

“Dəfnə hərbi hissədən heç kim gəlməyib”

Quba rayonunun Üçgün kəndinin sakini, 20 yaşlı Fərdi Namik oğlu Yarəliyevin hərbi xidmətdə həlak olduğu bildirilir. Bu barədə Meydan TV-yə Üçgün kəndinin sakinləri məlumat veriblər. Bildiriblər ki, əsgərin ailəsinə onun boğulduğunu söyləyiblər. Ancaq meyitin başının arxası yarılmış vəziyyətdəymiş:

“Əsgəri bu gün, iyulun 9-da kəndə gətiriblər. Başı yarıldığı halda, boğulduğu söylənir. Bundan əlavə, boğulan adamın bədənində şişlik olur. Bunda elə bir əlamət də yoxdur. Meyiti valideynlərinə təhvil verib gediblər. Dəfnə hərbi hissədən heç kim gəlməyib. Bu ölkənin yiyəsi yoxdur”.

Quba rayon Üçgün kənd icra nümayəndəsi Kazım Beykəsov Meydan TV-yə 20 yaşlı əsgərin öldüyünü təsdiqləyib. Bildirib ki, onlara əsgərin çayda boğularaq öldüyünü deyiblər:

“Zaqtalanın Sərhəd Qoşunlarında xidmət edirdi. Gəlməyinə 3 ay qalmışdı. Oktyabrda xidməti bitirdi. Deyirlər, əsgər yoldaşı ilə dünən çaya gedib. Çayda üzə bilmədiyi üçün boğulub, ölüb. Hətta deyilənə görə, o, batanda digər əsgər yoldaşı kömək etmək istəyib, ancaq bacarmayıb. İndi cinayət işi açıblar. Hadisəni araşdırırlar”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  9 İyul 2020
Bölmələr:  
qısa linklər:   http://mtv.re/l632fa

Ən çox baxılan