Əsgərin ehtiyatsızlığın qurbanı olduğu deyilir
20 yaşlı əsgər Taleh Nizami oğlu Şükürovun həlak olduğu bildirilir. 20 noyabr 2000-ci il təvəllüdlü Taleh Şükürov Cəlilabad rayonunun Göytəpə şəhər sakinidir. Bu barədə Meydan TV-yə əsgərin yaxınları məlumat verib. Onun iyunun 1-də səhər saatlarında öldürüldüyü deyilir. Əsgərin hansı şəraitdə və necə öldürüldüyü haqda məlumat yoxdur.
Mərhumun cənzəsi Göytəpə şəhər Həsənabad küçəsindəki evinə gətirilir.
Göytəpə şəhər icra nümayəndəsi Sabir Hüseynov Meydan TV-yə faktı təsdiqləyib. Ancaq hadisənin necə baş verməsi barədə məlumat verməyib. Səfərbərlik və Hərbi Xidmətə Çağırış üzrə Dövlət Xidmətinin Cəlilabad Rayon Şöbəsindən isə Meydan TV-yə deyilib ki, Taleh Şükürov əsgər yoldaşının ehtiyatsızlığı səbəbindən açılan güllə ilə həyatını itirib. Onun hansı hərbi hissədə xidmət etdiyi barədə məlumat verilmir
Rəsmi qurumlar əsgərin ölümü ilə bağlı hər hansı məlumat yaymayıblar.