Babək Həsənli

Источник: Meydan TV

Оглавление: Babək Həsənli

Qardaşı: Babək Həsənova təzyiqlərə son qoyulub

“Digər məhbuslarla yanaşı ona da Ombudsman Aparatının əməkdaşları baş çəkiblər”

Azərbaycan Xalq Cəbhəsi Partiyasının (AXCP) fəalı Babək Həsənov karantindən ümumi saxlama şəraitinə keçirilib və ona qarşı təzyiqlərə son qoyulub.

Məlumatı məhbus cəbhəçinin qardaşı Cavid Həsənov yayıb.

Cavid Həsənov deyib ki, mayın 21-də qardaşı onlarla telefon əlaqəsi saxlayıb, "karantin"dən ümumi baraka keçirildiyini bildirib:

“Ona qarşı təzyiqlərə son qoyulub. Digər məhbuslarla yanaşı ona da Ombudsman Aparatının əməkdaşları baş çəkiblər”.

Cavid Həsənovun sözlərinə görə, qardaşına təzyiqlərə son qoyulmasında ictimaiyyətin diqqəti, sosial şəbəkələrdə və KİV-də müzakirələr mühüm rol oynayıb:

“Çünki qardaşına münasibətin dəyişməsi 6 saylı həbsxanada ona qarşı qeyri-insani rəftar barədə faktlar açıqlandıqdan sonra baş verib”.

Mayın 15-də B.Həsənov Cəzaçəkmə Müəssisəsinə köçürüldükdən sonra məlum olub ki, onu “karser”ə salaraq alçaldıcı hərəkətlər ediblər.

Mayın 19-da qardaşı Cavidi fəalın yanına buraxıblar. O, mənəvi-psixoloji təzyiq və hədə faktlarını təsdiqləyib.

B.Həsənov 2018-ci il mayın 25-də Gədəbəyin keçmiş icra başçısı Saleh Rüstəmlinin AXCP-yə maliyyə yardımı göndərməsilə bağlı cinayət işilə əlaqədar həbs olunub.

Rusiya vətəndaşı olan və ötən il mayın əvvəlində Azərbaycana gələn S.Rüstəmli mayın 8-də narkotik ittihamıyla həbs olunub. İki gün sonra onun qardaşı oğlu Vidadi Rüstəmli də eyni ittihamla həbs edilib. Mayın 25-də isə AXCP üzvləri Aqil Məhərrəmli, Babək Həsənov və Rüslan Nəsirli həbs edilib. Həm S.Rüstəmligilə, həm də cəbhəçilərə qanunsuz sahibkarlıq, cinayət yoluyla əldə olunmuş vəsaitlərin leqallaşdırılması ittihamları verilib. İddia olunur ki, S.Rüstəmlİ Rusiyadan AXCP-yə 712 min manat pul göndərib.

Adları çəkilən şəxslərin heç biri özünü təqsirli bilmir. S.Rüstəmli bildirib ki, AXCP üzvü olub, 1998-ci ildən ailəsilə Rusiyaya köçərək, kiçik bizneslə məşğul olub. Son iki-üç ildə qazancından Azərbaycanda siyasi məhbus ailələrinə yardım edib. Onun sözlərinə görə, indiyədək göndərdiyi ümumi məbləğ 10 min dollardan çox olmaz.

Bu həbslərdən sonra AXCP sədri Əli Kərimli də bənzər açıqlama verərək bildirib ki, S.Rüstəmli ilə uzun illərdir dostdur. Onun sözlərinə görə, S.Rüstəmli 500-1000 dollar olmaqla, bir neçə dəfə yardım göstərib: "Ümumi məbləğ təxminən 5-6 min dollar olar".

Bakı Ağır Cinayətlər Məhkəməsinin hökmüylə S.Rüstəmli 7 il 3 ay, A.Məhərrəmli 4 il, B.Həsənov isə 3 il azadlıqdan məhrum edilib. V.Rüstəmli və R.Nəsirliyə isə şərti cəza verilib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/g4vpbb

Самое читаемое