Yens Ştoltenberq

Источник: google.az

Оглавление: Yens Ştoltenberq

NATO katibi: Krımın birləşdirilməsi böyük güclərin rəqabətinin nəticəsidir

''Moskva bir neçə NATO müttəfiqi ölkəsində və başqa yerlərdə demokratik təsisatlara qarışmağa çalışıb''

“2014-cü ildə Rusiyanın Ukraynanın Krım yarımadasını öz torpaqlarına birləşdirməsi artan "böyük güc rəqabəti"nin nəticəsi idi”.

Azadlıq Radiosunun məlumatına görə, NATO-nun Baş katibi Yens Ştoltenberq (Jens Stolntenberg) avqustun 5-də belə deyib.

Yeni Zelandiyanın Viktoriya Universitetinin Strateji Tədqiqatlar Mərkəzində çıxış edən Ştoltenberq deyib ki, böyük güclər arasında rəqabətlə yanaşı, terrorizm və kibertəhlükəsizlik NATO-nun qarşısında duran digər əsas problemlərdir.

Baş katib xüsusilə Rusiya və Çini "daha iddialı" adlandırıb. Onun müşahidələrinə görə, Moskva hərbi imkanlarını əhəmiyyətli dərəcədə artırır və bu, "qaydalara əsaslanan düzəni" təzyiq altında qoyur.

Ən son nümunə avqustun 2-də Orta-mənzilli Nüvə Qüvvələri (INF) Müqaviləsinin dağılmasıdır.

Ştoltenberq Rusiyanı yeni raket əleyhinə müdafiə sistemi yerləşdirməklə 1987-ci il müqaviləsini pozmaqda günahlandırıb. Moskva bu iddianı rədd edir.

Rusiya deyir ki, ABŞ müqaviləni tərk edib, belə ki, o, yeni silah rəqabətinə başlaya bilər.

Müqavilə Sovet İttifaqı və ABŞ-a 500-5.500 km aralığında yerüstü və ya ballistik raketlər hazırlamaq, istehsal etmək və yerləşdirməyi qadağan edib.

Ştoltenberq Krımla bağlı deyib: "Krımın qanunsuz birləşdirilməsi Avropada ilk dəfə İkinci Dünya Müharibəsinin sonundan bu yana bir ölkənin başqa bir ölkə tərəfindən ələ keçirilməsidir".

Rusiyanın Yaxın Şərqdə və Suriyada iştirakının artdığı qeyd edilib. Ştoltenberq vurğulayıb ki, Moskva "bir neçə NATO müttəfiqi ölkəsində və başqa yerlərdə demokratik təsisatlara qarışmağa çalışıb".

Ştoltenberq NATO-nun Əfqanıstandakı mövcudluğunu əsaslandırıb və deyib ki, Əfqanıstan bir daha beynəlxalq terrorçular üçün təhlükəsiz sığınacaq olmayacaq və təhlükəsizlik qurumu bunu təmin edəcək.

O, həmçinin Türkiyənin Rusiyanın hava hücumundan müdafiə sistemini satın almaq qərarından narahatlığını dilə gətirib.

Ştoltenberq ayrıca kiber əlaqəli məsələlərin indi münaqişələrin xarakterinin fundamental olaraq dəyişdiyini söyləyib. O, bu dəyişikliyi sənaye inqilabının Birinci Dünya Müharibəsindən əvvəl münaqişələrin təbiətinə təsir etməsiylə müqayisə edib.

Çıxışının sonunda Ştoltenberq deyib: “Biz indi qeyri-müəyyən dünyada yaşayırıq”.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/1mw2q8

Самое читаемое