Kolinda Grabar

Mənbə: Google

Başlıq: Kolinda Grabar

Xorvatiya prezidenti ölkədə korrupsiyanın məktəbdən başladığını deyib

“Onlar sistemdən yayınmağın yollarını axtarırlar”

“Xorvatiya cəmiyyətində korrupsiyanın əsası testlərdə aldadan uşaqların “qəhrəman” kimi qeyd olunduğu məktəblərdə qoyulur”.

“Guardian” yazır ki, seçkidəki məğlubiyyətindən sonra fevral ayında vəzifəsini tərk edəcək Kolinda Grabar-Kitaroviç deyib ki, Xorvatiya cəmiyyətini bürümüş korrupsiya ilk olaraq məktəb sinfindən başlayır.

Prezident Zaqrebdə keçirdiyi mətbuat konfransında jurnalistlərə verdiyi açıqlamada “imtahana aldatmaq üçün hazırlaşanlar qəhrəman”, layiqincə çalışanlar isə “çox istəkli olanlar” olaraq xarakterizə edilirlər”- deyib.

“Korrupsiya buradan, uşaqlarda başlayır”,- Grabar-Kitarović deyib:

“Onlar sistemdən yayınmağın yollarını axtarırlar. Bu sadəcə siyasətə aid deyil. Əvvəllər olduğundan daha yaxşıdır. Ancaq bu, sadəcə siyasət deyil”.

Keçən ay Xorvatiyanın keçmiş Baş naziri İvo Sanader yeni özəlləşdirilmiş enerji şirkətində bir Xorvat nefti firmasına böyük səhm verilməsi müqabilində 10 milyon avro rüşvət almaqda günahkar bilinərək, 6 il həbs cəzasına məhkum edilib.

Sanaderin zamanında nazir olmuş Grabar-Kitaroviç deyib ki, Sanaderin rəhbərlikdə olduğu müddətdə hökumətin əsas qərarlarından kənarlaşdırıldığı üçün onun şəxsi korrupsiya əməliyyatları haqda heç bir təsəvvürə sahib olmayıb.

Getməkdə olan prezident həmçinin Sanaderin mərkəz sağ Xorvat Demokratik Birlik Partiyasının üzvüdür. O, etiraf edib ki, ölkəsinin gündəlik həyat adətləri rüşvət mədəniyyətini təşviq edir.

Grabar-Kitaroviç deyib: “Çox vaxt korrupsiyanın nə olduğunu bilmirik. Bir həkimə getdiyiniz zaman hər kəs ən az çiçək, şokolad və bu kimi şeylər gətirməyinizi gözləyir – bu, bir adətdir. Anam yaxınlarda xəstəxanada idi. Dostlarım məndən soruşurdular ki, niyə heç nə gətirmədin, çünki tibb bacıları bunu gözləyirlər ...

Dedim: “Mən bu cür korrupsiyada iştirak etmək niyyətində deyiləm. Milad üçün bir səbət, bir az Milad hədiyyəsi gətirəcəm, sadəcə bu.”

“Mənim üçün parlaq işıq Xorvatiyanı tərk edən və fərqli ölkələrə gedən gənclərin geri qayıtmaları, fərqli etika və çalışma həyat tərzi gətirmələridir. Bununla da biz qazanc əldə edəcəyik”, - o deyib.

Ən son “Eurobarometer” sorğusu aşkarlayıb ki, xorvatların əksəriyyəti gündəlik həyatlarında korrupsiyadan təsirlənirlər (59%). Şəxsin korrupsiyaya məruz qaldığını bildirən respondentlərlə (16%) Xorvatiya AB-yə üzv ölkələr arasında ən böyük nisbətə sahibdir.

Grabar-Kitaroviç yanvarın əvvəlində mərkəz solun namizədi Zoran Milanoviçə prezident seçkilərində uduzub. Bu hadisədən bir neçə gün sonra Xorvatiya Avropa Birliyinin prezidentliyini qəbul edib.

Sosial Demokrat Partiyasından olan keçmiş Baş nazir Milanoviç ölkəni müharibə keçmişindən köçürməyə söz verib.

Ölkəsinin komandası Rusiyanı “2018 Dünya Kuboku”nda məğlub etdikdə Vladimir Putinin qarşısında rəqs edərək tanınan və beynəlxalq diqqəti cəlb edən Grabar-Kitaroviç jurnalistlərə deyib ki, o, vəzifədə olduğu dövrdə yerli media tərəfindən bulinqə məruz qalıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/10ppvr

Ən çox baxılan