5 il əvvəl Səudiyyə Ərəbistanı xarici ölkələr üçün müəyyənləşdirilən həcc kvotasını 20 faiz, daxili zəvvar kvotasını isə 50 faiz azaltmışdı
Səudiyyə Ərəbistanı Həcc ziyarəti üçün ölkəyə gələn zəvvarların kvotasına 5 il əvvəl tətbiq etdiyi məhdudiyyəti aradan qaldırıb.
APA “saudigazette.com”a istinadən bu barədə məlumat yayıb.
Bildirilir ki, Səudiyyə Ərəbistanı kralı məsələylə bağlı Ali Həcc Komitəsinin sədri, şahzadə Məhəmməd bin Nəifin təklifini qəbul edib.
Məhəmməd bin Nəif aidiyyəti qurumların 2017-ci ildə sayı artacaq zəvvarların qəbuluna dair hazırlığın aparıldığını deyib.
5 il əvvəl Səudiyyə Ərəbistanı xarici ölkələr üçün müəyyənləşdirilən həcc kvotasını 20 faiz, daxili zəvvar kvotasını isə 50 faiz azaldıb. Qərar Kəbə və digər müqəddəs yerlər ətrafında aparılan genişləndirmə işləri zamanı təhlükəsizlik tədbirlərinin gücləndirilməsi ilə əlaqələndirilib.
