Ev quşlarını və xırdabuynuzlu heyvanları sel aparıb
İyunun 11-də Zaqatala və Balakən rayonlarına yağan leysan yağışları nəticəsində Katex kəndi ərazisindən keçən, mənbəyini dağlardan götürən Dəliçay məcrasından çıxıb.
Nəticədə çayın sağ və sol sahilindəki 400-ə yaxın evin həyətyanı sahəsini su basıb, 50-dən çox evə su dolub. Ev quşlarını və xırdabuynuzlu heyvanları sel aparıb, 10-dan çox həyətyanı sahənin hasarını sel dağıdıb.
Məlumatı
APA
yayıb.
Balakən rayonun yerli sakini Oruc Padar Meydan TV-yə deyib ki, daha çox ziyan Qazbinə və Katex kəndlərinə dəyib, kəndləri su basıb, yerli təsərrüfatlara ziyan ciddi dəyib. Eyni zamanda, Dəliçayın üzərindəki 8 kiçik körpü uçub, elektrik və qaz xətlərinə ziyan dəyib.
Amma rayonun mərkəzində elektrik kəsilməyib.