Mənbə: google

Qırğızıstan prezidenti parlamentdən yenidən səs verməyə getməsini xahiş edəcək

Məqalə yeniləndi:  13 Oktyabr 2020

Kozak bazar ertəsi günü Qırğızıstanda səfərdə olub

Oktyabrın 13-də Qırğızıstan prezidenti ölkədəki iğtişaşlardan sonra parlamentdən Baş nazir olaraq irəli sürdüyü şəxsə yenidən səs verməsini xahiş edəcəyini deyib, - “Reuters” xəbər verir.

Atılan addım rəsmi xarakter daşısa da, səsvermə uğursuz nəticələnərsə, ölkədə siyasi böhran daha da dərinləşə bilər, - “Reuters” əlavə edib.

Qırğızıstan Çinlə sıx əlaqələr saxlayır və eyni zamanda Kanadaya məxsus qızıl mədən əməliyyatına ev sahibliyi edir.

Prezident Sooronbai Jeenbekov bəyanatından öncə Rusiya Prezidenti Vladimir Putinin administrasiya rəhbərinin müavini Dmitri Kozakla görüşüb. Lakin prezidentin ofisi görüşün təfərrüatlarını açıqlamaqdan imtina edib.

Kozak bazar ertəsi günü Qırğızıstanda səfərdə olub.

Parlament tərəfindən Baş nazir olaraq təyin edilən, amma Jeenbekov tərəfindən hələ təsdiqlənməyən milliyyətçi Sadir Japarovun da görüşdə iştirak etdiyi bildirilir.

Keçən həftə Qırğızıstan parlamenti iğtişaşlar əsnasında tərəfdarları tərəfindən həbsdən azad edilmiş Japarovun Baş nazir olaraq təyin edilməsinə səs verib. Lakin Japarov Jeenbekov onun təyinatını təsdiqləməzsə, vəzifəsinə başlaya bilməz.

Başqa bir açıqlamada Jeenbekov administrasiyası Japarovla təkbətək görüş keçirdiyini və ona bəzi parlament deputatlarının və fəalların şənbə günü alınmış qərarı qanunsuz hesab etdikləri üçün parlamentdən yenidən səsvermə keçirmələrini istədiyini deyib.

Qırğızıstanda Rusiya hərbi hava bazası mövcuddur və Moskva ilə sıx iqtisadi əlaqələrə sahibdir. Rəsmi Moskva 4 oktyabr parlament seçkilərindən sonra ölkədə baş vermiş küçə nümayişləri zamanı Qırğızıstanın vəzyyətindən narahatlığını ifadə etmişdi. Jeenbekov ölkədə fövqəladə vəziyyət elan etmək və paytaxt Bişkekə ordu yeritməklə nümayişlərin qarşısını ala bilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  13 Oktyabr 2020
Bölmələr:  
qısa linklər:   http://mtv.re/0x7586

Ən çox baxılan