Şirxan Həsənzadə Azərbaycan millisinin də üzvü olub
“Qarabağ” klubunun futbolçusu Şirxan Həsənzadə vəfat edib.
Bu barədə Ağdam klubunun mətbuat xidməti məlumat yayıb. Azərbaycanın U-21 milli komandasının da üzvü olan 20 yaşlı futbolçu ürəyində olan problemə görə vəfat edib.
“Qarabağ”ın əvəzedici heyətinin aprelin 22-də keçirilən hazırlıq prosesi zamanı ürəyi dayan müdafiəçi təcili tibbi yardımın köməyi ilə dərhal xəstəxanaya çatdırılmışdı. Əməliyyat olunan oyunçunun vəziyyətinin sabit olduğu açıqlanmışdı. Mayın 8-də onun vəziyyəti yenidən ağırlaşıb. Həkimlərin səylərinə baxmayaraq, gənc oyunçunun həyatını xilas etmək mümkün olmayıb.
