"Notr Dam" kilsəsində 3 nəfərin bıçaqlandığı bildirilir

Müəlliflər: Meydan TV

Tarix: 29 Oktyabr 2020

Makronun hazırda Nitsaya yola düşdüyü deyilir

Oktyabrın 29-da Fransanın Nitsa şəhərinin kilsəsində 3 nəfər bıçaqlanaraq öldürülüb.

Rəsmilər və şəhərin bələdiyyə başqanı hadisəni terror adlandırıb.

Sağçı Respublikaçılar Partiyasından olan keçmiş millət vəkili, bələdiyyə başqanı Christian Estrosi özünün "Twitter" hesabında polisin cinayətkarı tutduğunu açıqlayıb.

"Bunun terror hücumu olduğunu təsdiqləyə bilərəm. Hadisə şəhərdəki "Notr Dam" kilsəsinin içində, yaxud yaxınlığında baş verib, polis hücum edən şəxsi saxlayıb və o, hazırda xəstəxanadadır", - deyə Christian Estrosi bildirib.

Estrosi jurnalistlərə bildirib ki, şübhəli saxlanandan sonra belə “Allahu Əkbər” (Allah böyükdür) qışqırıb.

Elə hadisə ilə bağlı terrorçuluq maddəsi ilə cinayət işi açılıb.

Polisdəki mənbə hadisə qurbanlarından bir nəfər qadının başının kəsildiyini söyləyib.

Sağ qanad siyasətçi Marin Le Pen də hücum zamanı başkəsmənin olmasından danışıb.

Fransa Prezidenti Emmanuel Makronun hazırda Nitsaya yola düşdüyü xəbər verilir

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN

Müəlliflər: Meydan TV

Tarix: 29 Oktyabr 2020

Bölmələr: