Dindirilənlər arasında digər sənət adamları da var
Türkiyəli aktyor Necati Şaşmaz “Sarallar” cinayət işi ilə əlaqədar polis bölməsinə çağırılıb.
Türkiyə mətbuatının yazdığına görə, dindirilənlər arasında müğənni Aylin Coşkun, aktyor Erkan Petekkaya, aparıcı Sinan Engin də var.
İstanbul Mütəşəkkil Cinayətkarlıqla Mübarizə şöbəsi iyulun 28-də İstanbulda mafiya dəstələrinə qarşı geniş əməliyyat keçirib.
Əməliyyat zamanı “Sarallar” adı ilə tanınan mütəşəkkil cinayət təşkilatının 119 üzvü saxlanılıb.
Həmçinin xeyli sayda silah-sürsat, nəğd pul aşkar olunaraq götürülüb.
Necati Şaşmaz türkiyəli rejissor Osman Sınavın çəkdiyi “Kurtlar Vadisi” (2003-2005) serialındakı Polat Alemdar obrazı ilə tanınıb.
