Mənbə: Meydan.TV

Milli Şura ümumxalq mitinqi təyin etdi

Demokratik Qüvvələrin Milli Şurası sentyabrın 28-nə ümumxalq mitinqi təyin edib. Bu barədə Milli Şuranın üzvü, Azərbaycan Xalq Cəbhəsi Partiyasının sədri Əli Kərimli məlumat verib. Onun sözlərinə görə, həmin gün saat 15.00-da keçirilməsi nəzərdə tutulan aksiyanın 5 tələbi var; seçki islahatları, Qarabağa azadlıq, siyasi məhbuslara azadlıq, uşaqpulu və tibbi sığorta tələbi.

Milli Şura aksiyanın keçirilməsi üçün “28 May” metrostansiyasının, T.Bəhramov adına stadionun və Narimanov parkının qarşısındakı meydanları təklif edir. Təşkilat bununla bağlı Bakı Şəhər İcra Hakimiyyətinə müraciət edəcək.

“Mitinqin təşkilat komitəsinə səlahiyyətlər verilib ki, aksiyanın keçiriləcəyi yerlərlə bağlı Bakı Şəhər İcra Hakimiyyəti ilə danışıqlar aparılsın. Hansısa başqa kompramislər də əldə oluna bilər,”- deyə Əli Kərimli Meydan TV-yə açıqlamasında deyib.

Demokratik Qüvvələrin Milli Şurası 2013-cü il Azərbaycan Respublikası prezidenti seçkiləri ərəfəsində müxalif siyasətçilərin birliyi kimi yaradılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jxdir4

Ən çox baxılan